Артикли

Дипломатскиот клуб-Скопје, пред почетокот на летните годишни одмори, во скопскиот ресторан „Џино“ го организираа традиционалн „дипломатски ручек“, кој, како што може да се види од фотографиите, помина во пријатно расположение и опуштена другарска атмосфера“.

Дипломатскиот клуб од Скопје денес беше организатор на втората дебата во рамките на Форумот за надворешна политика. Темата беше: „Дипломатијата и надворешната политика на Република Македонија". Станува збор на серија од пет дебати за надворешната политика на Република Македонија организирани од невладините организации Фридрих Еберт и Прогрес, а поединечни организатори на одделните сесии беа: Универзитетот на ЈИЕ (24.5.2017) и Дипломатскиот клуб од Скопје (21.6.2017). Наесен ќе бидат организирани уште три сесии од кои една на Американскиот колеџ и две на УКИМ (Правниот и Филозофскиот факултет).

Раководството на Дипломатскиот клуб од Скопје вчера во Скопје имаа средба со Иво Јосиповиќ, поранешниот претседател на Хрватска. За време на двочасовниот разговор искусните дипломати од Македонија со гостинот од Хрватска разговараа за случувањата во двете земји, во регионот и за проблемот со Грција за името. Организатор на оваа средба беше здружението од Шибеник Македонско-хрватска тангента.

Во услови кога Државата покажува неразбирање, па дури и омаловажување на сопствената историја, Дипломатскиот клуб се одлучи, без глорификација или идолатрија од кој и да е вид, да ја организира оваа научно- дипломатска конференција со цел да се направи осврт на улогата на првиот Претседател на самостојна Македонија во функција на разбирање на конкретните избори направени во конкретен контекст.